દારૂબંધીના દાવા વચ્ચે હાઈવે પર દારૂની રેલમછેલ!

દારૂબંધીના દાવા વચ્ચે હાઈવે પર દારૂની રેલમછેલ! મહુવા નજીક લક્ઝરી કાર અકસ્માતમાં વિદેશી દારૂનો જથ્થો બહાર આવ્યો ભાવનગર-સોમનાથ નેશનલ હાઈવે પર મહુવા નજીક તરેડીના પાટીયા પાસે એક લક્ઝરી કાર અકસ્માતનો ભોગ બની હતી. પ્રાથમિક માહિતી મુજબ કાર ચાલકે સ્ટીયરિંગ પરથી કાબૂ ગુમાવતા વાહન રસ્તા પરથી ઉતરી ખેતરમાં ફંગોળાયું હતું. અકસ્માત બાદ કારની તપાસ કરતાં અંદરથી વિદેશી દારૂનો મોટો જથ્થો મળી આવ્યો હતો. ઘટનાથી વિસ્તારમાં ચકચાર મચી ગઈ છે અને ગુજરાતમાં દારૂબંધીના અમલ સામે ફરી સવાલો ઊભા થયા છે. પોલીસે સ્થળ પર પહોંચી દારૂનો જથ્થો કબજે કરી વધુ તપાસ હાથ ધરી છે.