આગામી રવિવારે મેરેથોનનું આયોજન

સ્વાસ્થ્ય અને ફિટનેસ પ્રત્યે જાગૃતિ લાવવા માટે શહેરમાં મેગા મેરેથોનનું આયોજન કરવામાં આવ્યું છે. આ રવિવારે વહેલી સવારે હજારો રનર્સ શહેરના રસ્તાઓ પર દોડતા જોવા મળશે. મેરેથોનમાં વિવિધ કેટેગરી રાખવામાં આવી છે, જેમાં બાળકોથી લઈને વરિષ્ઠ નાગરિકો ભાગ લઈ શકશે. વિજેતાઓ માટે આકર્ષક રોકડ ઈનામો અને મેડલ્સની જાહેરાત કરવામાં આવી છે. સમગ્ર રૂટ પર પાણી અને મેડિકલ સહાયની વ્યવસ્થા કરવામાં આવશે. શહેરના સેલિબ્રિટીઝ અને ઉદ્યોગપતિઓ પણ આ દોડમાં જોડાશે. આ કાર્યક્રમનો ઉદ્દેશ્ય "ફિટ સિટી" ના સંકલ્પને સાકાર કરવાનો છે. રજીસ્ટ્રેશન માટે હવે માત્ર ગણતરીના દિવસો બાકી છે, ત્યારે લોકોમાં ભારે ક્રેઝ જોવા મળી રહ્યો છે.